Dziaŭčyna biez ruki ŭ jutub-šou dakazvaje, što niama ničoha niemahčymaha VIDEA
Amierykanka Ebihejł naradziłasia biez pravaj ruki, ale heta nie pieraškodziła joj navučycca smačna hatavać, hrać na hitary, u holf i navat na barabanach. Pryčym robić jana heta biez anijakaha prateza.
«Doktar skazaŭ baćkam, što maja ruka prosta «pierastała raści», kali ja jašče farmavałasia va ŭłońni maci. I bolš nijakich tłumačeńniaŭ. Chacia ciapier ja sama dumaju, što heta — pryrodny defiekt — amielija. Ale jon nikoli nie pieraškadžaŭ mnie być biasstrašnaj i sprabavać samyja roznyja rečy. Ciapier mnie 29 hadoŭ i ja pačała zdymać videa, kab prademanstravać ludziam, što žyćcio moža być kłasnym i paŭnavartasnym, niezaležna ad abstavin», — dzielicca Ebi karotkaj bijahrafijaj.
I jaje siła duchu sapraŭdy ŭražvaje — pahladzicie sami niekalki vypuskaŭ «Abshow»: jak sprytna ŭ jaje atrymlivajecca asvojvać roznyja chobi, niahledziačy na adsutnaść piaci palcaŭ!
