Biełarusu, jaki stralaŭ u Hdyni, vystavili abvinavačańnie
Akruhovaja prakuratura ŭ Hdańsku vysunuła siońnia abvinavačańni hramadzianinu Biełarusi, jakoha ŭ aŭtorak zatrymali paśla stralaniny ŭ Hdyni, paviedamlaje Radyjo Svaboda.
Jak raspaviała pradstaŭnica prakuratury, jon abvinavačvajecca ŭ zamachu na zabojstva.
«Na padstavie sabranaha materyjału viadoma, što mužčyna zrabiŭ dva streły i adzin ź ich u kirunku achviary».
30-hadovy biełarus nie pryznaŭsia ŭ złačynstvie, jakoje jamu inkryminujecca. Jon pradstaviŭ svaju versiju. Jana budzie praviaracca. Prakuror pryniaŭ rašeńnie nakiravać zajavu ŭ sud pra časovy aryšt zatrymanaha. Sud vyrašyć heta zaŭtra.
Pavodle pres-sakratara, incydent nie mieŭ kanfliktnaha charaktaru abo pomsty. Padazravany mieŭ pry sabie dźvie adzinki zbroi. U jaho byŭ na jaje dazvoł. Streły jon zrabiŭ ź pistaletu.
Raniej pradstaŭnik palicyi ŭ Hdańsku paviedamiŭ, što nivodnaja asoba ŭ suviazi z hetym zdareńniem nie paciarpieła i nie była paranienaja.
Pavodle artykułu «Zamach na zabojstva» ŭ Polščy moža pahražać ad 8 da 25 hadoŭ źniavoleńnia albo navat pažyćciovaje źniavoleńnie.
