Serbskaje radyjo: Słavalub Muślin uznačaliŭ mienskaje «Dynama»
Pres-słužba mienskaha "Dynama" abviarhaje infarmacyju pra pryznačeńnie. Ale sierbski specyjalist užo razdaje interviju, u jakich dzielicca planami na budučyniu.
Fota B92 |
Kantrakt padpisany na dva hady, a papiaredni trenier Ihar Kryvušenka zvolnieny za niezadavalniajučyja vyniki.
Tym časam pres‑ataše kluba Aleh Sabaleŭski ŭviečary 18 vieraśnia ŭ interviju BiełaPANu abvierhnuŭ infarmacyju pra pryznačeńnie Słavaluba Muślina,zaznačyŭšy, što Kryvušenka, jaki ŭ listapadzie 2007 h. pierajšoŭ u "Dynama" z BATE, praciahvaje ŭznačalvać mienski klub.
Tym časam S. Muślin razdaje ŭžo interviju sierbskim ŚMI, u jakich dzielicca planami na kancoŭku sezonu, zaznačajučy, što adstavańnie ad pieršaha miesca (ad BATE) składaje ŭsiaho siem punktaŭ, a 4‑ie miesca, na jakim znachodzicca zaraz «Dynama», «žalezna zacementavana» za klubam.
«Uražańni ad kluba vydatnyja. «Dynama» -- kamanda ź vialikimi ambicyjami. Vydatna, što na ŭsie matčy čempijanatu budziem jeździć aŭtobusam, bo najdalejšaja adlehłaść ad stalicy 250 km», - cytuje Muślina V92.
Čutki pra pryznačeńnie Muślina źjavilisia pry kancy minułaha tydnia, kali sierbski specyjalist naviedaŭ u Barysavie matč pieršynstva Biełarusi pamiž žodzinskim «Tarpeda» i mienskim «Dynama».
V92 zaznačaje, što prezydent mienskaha «Dynama» prapanoŭvaŭ paŭabaroncu maskoŭskaha «Lakamatyva» i zbornaj Biełarusi Siarhieju Hurenku stać pamočnikam Muślina. Ale biełarus admoviŭsia.
Słavalub Muślin naradziŭsia ŭ 1953 h. u Krahujevacy. Hulaŭ za białhradzkija OFK, «Crvienu źviezdu» (pravioŭ za armiejcaŭ 302 hulni, i byŭ trochrazovy čempijon Juhasłavii). hulaŭ taksama za francuskija «Lil», «Kan», «Brest».
Trenierskuju karjeru raspačaŭ u 1988 h. Treniravaŭ «Brest», «Po», «Bardo», «Radžu» z Kasablanki (staŭ čempijonam Maroka), «Crvienu Źviezdu» (pryvioŭ kamandu da čempijonstva ŭ 2000, 2001, 2004), belhijski "Łokieren".
Treniravaŭ taksama viadomy ciapier kožnamu biełarusu baŭharski «Leŭski» ŭ 2001—2003 hh. Čempijon Baŭharyi ŭ 2002 h.
Treniravaŭ daniecki «Metalurh», maskoŭski «Lakamatyŭ» (u 2006 h. čyhunačniki zaniali ŭ čempijanacie Rasiei 3-je miesca), padmaskoŭnyja «Chimki». «Chimki» zaviaršyli minuły sezon 9-mi, u krasaviku 2008 h. Muślin byŭ zvolnieny za kiepskija vyniki ŭ čempijanacie, ale klub praciahvaje iści na apošnim miescy.