Biełaruskija chakieisty zaniali druhoje miesca na etapie «Jeŭračelendža» ŭ Francyi
Biełaruskija chakieisty zaniali druhoje miesca na etapie «Jeŭračelendža» ŭ francuzskim Sieržy. U zaklučny dzień turniru padapiečnyja Dejva Ljuisa byli macniejšymi za supiernikaŭ z Słavienii ź likam 5: 3 (2: 1, 1: 1, 2: 1), paviedamlaje karespandent BiełTA.
Biełaruskija chakieisty ŭžo na čaćviortaj chvilinie pieršaha pieryjadu realizavali kolkasnuju bolšaść. Dakładny kidok na rachunku Paŭła Bajarčuka. Maładaja kamanda Dejva Ljuisa, jakomu na trenierskim mastku dapamahali Michaił Zacharaŭ i Siarhiej Puškoŭ, kantralavała chadu padziej na placoŭcy ciaham usiaho matču. Hały ŭ svoj aktyŭ, akramia Paŭła Bajarčuka, zapisali Raman Dziukaŭ, Daniła Karabanaŭ, Dźmitryj Bujnicki i Artur Haŭrus.
Pry liku 3: 3 na trecim pieryjadzie važnaj stała šajba ŭ vykanańni Dźmitryja Bujnickaha, jaki adznačyŭsia na 58-j chvilinie. Vyrašalnuju šajbu biełarusy praviali ŭ pustyja varoty supiernikaŭ.
Pieramožcam etapu «Jeŭračelendža» u Sieržy stała zbornaja Łatvii, jakaja ŭ trecim tury była macniej za Francyju - 3: 1. Vynikovaje stanovišča: Łatvija - 9 (3), Biełaruś - 5 (3), Słavienija - 2 (3), Francyja - 2 (3).
