U Baranavičach prapanujuć pasadu dyrektara ź viedańniem kitajskaj movy za 265 rubloŭ u miesiac
Siarod 999 listapadaŭskich vakansij z prapanovami pracy ŭ Baranavičach nie było vyjaŭlena anivodnaj z zarobkam jaki pieravyšaje 807 rubloŭ, a kolkaść takich vakansij vielmi małaja, paviedamlaje Intex-press.
Zatoje na inšym kancavośsi śpisu vakansij było kudy bolš, a antyrekordam možna ličyć prapanovu pasady dyrektara ź viedańniem kitajskaj movy z zarobkam u 265 rubloŭ u firmie «CRRC-KUEK ČyhunDarTechnika». Stolki ž u Baranavičach prapanujuć hruzčykam u pradpryjemstvie hramadskaha charčavańnia «Školnik» i kiroŭcy elektravazka treciaha razradu.
TAA «CRRC-KUEK ČyhunDarTechnika» heta stvoranaje ŭ minułym hodzie sumiesnaje biełaruska-kitajskaje pradpryjemstva pa ramoncie ruchomaha składu čyhunki. «NN» nie ŭdałosia datelefanavacca siońnia ŭ ofis kampanii, kab daviedacca, ci zapoŭnienaja ŭžo vakantnaja pasada dyrektara.
Na sajcie upraŭleńnia pa pracy, zaniatasci i sacyjalnaj abaronie Baranavickaha harvykankama na 8 listapada było raźmieščana 999 vakansij pracy. Ź ich u 238 prapanoŭvali zarobak u 300 rubloŭ i nižej, a ŭ 144 vakansijach - 500 rubloŭ i vyšej.
