MAK moža zabaranić vykanańnie rasijskaha himna na Alimpijadzie ŭ Pchiončchanie
Mižnarodny alimpijski kamitet (MAK) moža zabaranić vykanańnie dziaržaŭnaha himna Rasii padčas zimovych Alimpijskich hulniaŭ u paŭdniovakarejskim Pchiončchanie. Pra heta paviedamiła ŭ paniadziełak, 6 listapada, amierykanskaja hazieta The New York Times sa spasyłkaj na krynicy ŭ MAK.
Fota: AP
Hetaja sankcyja stanie pakarańniem za dopinhavy skandał u Rasii. U jakaści inšaha varyjantu razhladajecca mahčymaść adchileńnia rasijskaj alimpijskaj zbornaj ad cyrymonii adkryćcia Alimpijady 9 lutaha.
Kančatkovaje rašeńnie MAK prymie na pasiedžańni svajho vykanaŭčaha kamiteta, jakoje projdzie ŭ Łazanie z 5 pa 7 śniežnia, piša Deutsche Welle.
Raniej Uładzimir Pucin zajaŭlaŭ, što Rasieja budzie razhladać poŭnuju zabaronu na ŭdzieł rasijskaj alimpijskaj zbornaj u zimovaj Alimpijadzie ŭ Pchiončchanie abo patrabavańnie vystupać pad niejtralnym ściaham jak «prynižeńnie dla krainy».