Zaołahi znajšli ŭ Indaniezii novy vid samych blizkich svajakoŭ čałavieka
Mižnarodnaja hrupa zaołahaŭ vyjaviła na poŭnačy indaniezijskaha vostrava Sumatra kałoniju treciaha, raniej nieviadomaha vida aranhutanaŭ, jaki ŭžo ciapier znachodzicca pad pahrozaj vymirańnia, paviedamlaje časopis Current Biology.
Fota: University of Zurich
Aranhutany źjaŭlajucca adnymi z samych blizkich rodzičaŭ čałavieka, čyje prodki, jak miarkujecca, adździalilisia ad ahulnaha dreva evalucyi vyšejšych prymataŭ prykładna 15 miljonaŭ hadoŭ tamu.
Čatyry hady tamu, paviedamlajecca ŭ časopisie, žychary paŭnočnaj častki vyspy Sumatra prynieśli ŭ łahier navukoŭcaŭ pareštki adnaho z aranhutanaŭ, što pražyvajuć na terytoryi pravincyi Tapanuli, dzie niadaŭna była znojdziena novaja kałonija, jak mierkavałasia, užo viadomaha vida.
Kali ž navukoŭcy ŭbačyli jahony čerap, jany zaŭvažyli, što toj prykmietna adroźnivajecca pa svajoj formie, pamierach i struktury ad viadomych. Heta našturchnuła ich na dumku, što dadzieny prymat i kałonija, u jakoj jon žyŭ, mahli być pradstaŭnikami asobnaha vidu aranhutanaŭ. Paśla praviedzienych daśledavańniaŭ hetyja zdahadki paćvierdzilisia.
Les na poŭnačy Sumatry pastajanna vysiakajecca brakańjerami, i admova ad baraćby ź imi pryviadzie da poŭnaha źniknieńnia hetaha vidu prymataŭ, zaklučajuć zaołahi.
