Francyja dazvoliła refierendum ab niezaležnaści ŭ Novaj Kaledonii
Urad Francyi i pradstaŭniki palityčnych partyj francuzskaj zamorskaj terytoryi Novaja Kaledonija pryjšli da pahadnieńnia pa pytańni ab praviadzieńni refierendumu ab niezaležnaści. Pra heta paviedamlaje France 24.
Premjer-ministr Francyi Eduar Filip adznačyŭ, što pahadnieńnie dasiahnuta pa «pryncypovych pytańniach» praviadzieńnia plebiscytu ŭ listapadzie 2018 hoda. «U nas z hetaha času jość palityčnaje pahadnieńnie, i, moža być, bolš za toje — jašče i davier. Heta, prynamsi, važna», — skazaŭ kiraŭnik urada.
Novaja Kaledonija abvieščana Francyjaj svajoj terytoryjaj u 1853 hodzie. U 1946 h. jana atrymała status zamorskaj terytoryi.
U 1988 hodzie atrymała asablivy status zhodna z Matyńjonskim pahadnieńniem. Na dadzieny momant mietrapolija kantraluje pytańni abarony, hrašovaj emisii, pravasudździa i ŭnutranaj biaśpieki.
Nasielnictva Novaj Kaledonii składaje 278 tys. čałaviek. Francuzskija kampanii zdabyvajuć tut zołata, nikiel, kobalt, marhaniec, žaleza, chrom, śviniec i inšyja mietały.
