CHK «Dynama» zaklikała fanataŭ pryjści ŭ chełaŭinskich kaściumach. A milicyja adpraviła mycca i raspranacca
Na matčy suprać maskoŭskaha «Spartaka», jaki prajšoŭ 31 kastryčnika, minski kłub vyrašyŭ pravieści niezvyčajnuju akcyju. Zaŭziataraŭ zaprasili prychodzić u chełaŭinskich kaściumach — možna było vyjhrać pryz, sfatahrafavacca ŭ admysłovaj fotazonie.
Fota - CHK «Dynama Minsk»
Praŭda, vyśvietliłasia, što milicyja maje svaje pohlady na kaściumy zaŭziataraŭ. Niekatorych admaŭlalisia prapuskać u kaściumach: prymušali zmyć hrym ci zdać kaścium u kamieru zachoŭvańnia.
«My ź siabroŭkaj razmalavali tvary, a milicyjanty zahadali iści zmyvać, bo inakš nie prapuściać», — skardziłasia paśla matču adna z naviednic.
Jak vyśvietliłasia, pavodziny milicyi byli vyklikany praviłami biaśpieki. Varta adznačyć, što ŭ svaim zakliku «Dynama» papiaredžvała: «Nahadajem taksama, što zhodna z rehłamientam KCHŁ nielha vykarystoŭvać elemienty adzieńnia, inšyja pradmiety i mietady z metaj ŭtojvańnia asoby. Heta značyć, što maski i razmaloŭka, jakaja nie dazvalaje identyfikavać asobu zaŭziatara, vyklučajucca».
Darečy, u matčy pieramoha była za «Dynama».