Ličylniki vady ŭ Minsku chočuć zrabić aŭtamatyčnymi
Zbor danych ab spažyvańni vady žycharami ŭ Minsku płanujecca aŭtamatyzavać. Ab pierśpiektyvach raźvićcia UP «Minskvodakanał» udzielnikam respublikanskaha sieminara pa ŭdaskanaleńni sistemy ŽKH raskazaŭ dyrektar pradpryjemstva Aleh Aŭrucin, pieradaje BIEŁTA.
U horadzie na praciahu hoda realizujecca piłotny prajekt pa dystancyjnym źjomie pakazańniaŭ ličylnikaŭ. U čatyroch damach u Pieršamajskim rajonie byli ŭstanoŭlenyja prybory ŭliku roznych typaŭ i kłasaŭ novaha pakaleńnia, ukamplektavanyja radyjonakładkami. Dziakujučy ŭkaranieńniu takoj technałohii žycharam nie patrabujecca padavać danyja, straty vady ŭ ekśpierymientalnych damach užo źnizilisia da 5%.
«Pakul pakazańni zdymaje śpiecyjalist. Siońnia my pravodzim nastupny ekśpierymient: naša zadača, kab prybory mahli skinuć danyja ŭ adzinuju sietku, a zatym u sistemu AIS «Raźlik-žyllova-kamunalnyja pasłuhi», kab nie było pasrednikaŭ», — raspavioŭ Aleh Aŭrucin.
Na jaho dumku, takaja sistema zboru danych, jakaja nie patrabuje faktyčnaha ŭdziełu žycharoŭ i pradpryjemstvaŭ, moža być zapatrabavanaja taksama dla dystancyjnaha źniaćcia pakazańniaŭ pryboraŭ uliku raschodu hazu, elektraenierhii. Tolki ŭ kvaterach u Minsku naličvajecca bolš za 1,8 młn ličylnikaŭ vady.
Ciapier prapracoŭvajucca techničnyja momanty prajekta, razhladajecca niekalki varyjantaŭ finansavańnia rabot pa zamienie pryboraŭ uliku. Pierad vytvorcami pastaŭlenaja zadača maksimalna źnizić košt pryład.
