Łukašenka źbirajecca na Kubu pabyvać na mahile Fidela
Alaksandr Łukašenka raźličvaje ŭ bližejšy čas ździejśnić vizit na Kubu. Ab hetym kiraŭnik dziaržavy zajaviŭ siońnia na sustrečy z pasłom Kuby Chierarda Suaresam Alvaresam, jaki zaviaršaje svaju dypłamatyčnuju misiju ŭ Biełarusi, piša BiełTA.
«Prasiŭ by vas vielmi pieradać majmu siabru Raulu samyja ciopłyja pažadańni. Ja miarkuju, što mnie ŭdasca ŭ najbližejšy čas pabyvać na Kubie. U mianie jość abaviazak pierad Fidelem. Ja pavinien pabyvać u jaho na mahile».
Pa słovach kiraŭnika dziaržavy, vizit pavinien spryjać aktualizacyi tematyki dvuchbakovych adnosin. «Ale vy pavinny zaŭsiody viedać - kali Biełaruś čymści moža dapamahčy i niešta zrabić dla Kuby, my zaŭsiody adkrytyja i hatovyja heta zrabić», - padkreśliŭ kiraŭnik dziaržavy.
«U nas niakiepskija adnosiny ŭ śfiery ekanomiki. U palitycy ŭ nas naohuł niama nijakich prablem. U nas adzinyja pohlady na suśvietnuju paradak dnia. Praktyčna niama razychodžańniaŭ pa pytańniach, jakija ŭ jaje ŭvachodziać», - adznačyŭ biełaruski lidar.
Abjom dvuchbakovaha handlu ŭ studzieni-žniŭni 2017 hoda skłaŭ $ 50,4 młn. Asnoŭnymi ekspartnymi pazicyjami źjaŭlalisia hruzavyja aŭtamabili, traktary i siedłavyja ciahačy, šyny, kalijnyja ŭhnajeńni, pryčepy i paŭpryčepy, častki i pryłady dla aŭtamabilaŭ i traktaraŭ.
Łukašenka byŭ na Kubie byŭ u 2012 h., Aguada Radio