U Piečach adchileny ad vykanańnia słužbovych abaviazkaŭ načalnik miedsłužby centra

Praciahvajecca pravierka ŭ 72-m Abjadnanym navučalnym centry ŭ Piečach, dzie pamior radavy Alaksandr Koržyč. Adnačasova vajskovym viedamstvam ažyćciaŭlajecca kompleks mier, nakiravanych na niedapuščeńnie zdareńniaŭ, havorycca ŭ paviedamleńni na sajcie Minabarony.

Jak paviedamlałasia, šerah słužbovych asob 72-ha ANC zvolnieny z šerahaŭ Uzbrojenych Sił za niepryniaćcie mier pa praduchileńni hibieli vajskoŭca, u tym liku načalnik 3-j škoły padrychtoŭki śpiecyjalistaŭ, načalnik štaba — pieršy namieśnik načalnika škoły, kamandzir vučebnaj roty, staršyna miedycynskaj i staršyna vučebnaj roty.

Siarod adchilenych ad vykanańnia słužbovych abaviazkaŭ — načalnik štaba — pieršy namieśnik načalnika 72-ha ANC i načalnik miedycynskaj słužby centra.

0

0

0

0

0

0