Zatrymanaja prybiralščyca barysaŭskaha pradpryjemstva, dzie piać žančyn atrucilisia «balzamam»
Barysaŭskija śledčyja praciahvajuć vyśviatlać abstaviny atručvańnia piaci čałaviek na pradpryjemstvie «Faŭna», dzie zajmajucca pierapracoŭkaj ryby. Prybiralščyca pradpryjemstva, jakaja pryniesła žančynam plašku ź nieviadomaj vadkaściu, zatrymanaja.
U Dzień maci 14 kastryčnika na barysaŭskim pradpryjemstvie «Faŭna» piać rabotnic atrucilisia nieviadomaj vadkaściu. Plašku ŭ padsobku, dzie ranicaj žančyny pieraapranalisia pierad źmienaj, pryniesła prybiralščyca. Pa słovach syna adnoj z paciarpiełych, jana znajšła jaje ŭ kuryłcy na druhim paviersie, padumała, što heta balzam, i prapanavała kaleham adznačyć śviata. Žančyny vypili krychu, im adrazu ž stała kiepska. Try ź ich u ciažkim stanie ŭ Minsku ŭ balnicy chutkaj dapamohi, dźvie — u Barysaŭskaj CRB.
U USK pa Minskaj vobłaści TUT.BY paviedamili, što ŭ ramkach rasśledavańnia kryminalnaj spravy, zaviedzienaj pa art. 155 KK - «Pryčynieńnie ciažkaha cialesnaha paškodžańnia pa nieaściarožnaści, śledčyja dapytvajuć śviedak, rabotnikaŭ, słužbovych asob, adbyvajucca pieratrusy i šerah łabaratornych daśledavańniaŭ. Vyvučajucca kanfiskavanyja z pradpryjemstva dakumientacyja, zapisy z kamier videanazirańnia, jakija dałučany da materyjałaŭ kryminalnaj spravy.
- U paradku art. 108 KPK zatrymany rabotnik pradpryjemstva. Z padazravanaj pravodziacca pracesualnyja i śledčyja dziejańni, - raspaviała aficyjny pradstaŭnik USK pa Minskaj vobłaści Taćciana Biełanoh.
Zatrymanaj źjaŭlajecca prybiralščyca pradpryjemstva.
Na «Faŭnie» žančynu charaktaryzujuć tolki stanoŭča. Joj za 50, tut jana pracuje ŭžo šmat hadoŭ. Charaktaryzujuć jaje jak adkaznaha čałavieka. Nahadajem, syn adnoj z paciarpiełych raspaviadaŭ, što «balzam» jana sama nie piła, tolki «ŭziała na jazyk».
- Jana pracuje dva praz dva, i siońnia ŭ jaje zakonny vychadny, - rastłumačyli na pradpryjemstvie. - Na pracu joj vychodzić tolki ŭ sieradu.