Prezident Manholii spyniŭ kartež, kab prapuścić piešachodaŭ
Fotazdymak niezvyčajnaha zdareńnia raspaŭsiudžvajecca ŭ sacyjalnych sietkach i vyklikaje zachapleńnie karystalnikaŭ.
Kartež prezidenta Manholii Chałtmaahijna Batułha spyniŭsia na čyrvonaje śviatło, kab prapuścić piešachodaŭ, paviedamlaje FlashSiberia sa stalicy krainy Ułan-Batara. Apazicyjanier Batułha staŭ prezidentam letam, nabraŭšy ŭ druhim tury 50,6% hałasoŭ.
Fotazdymak niezvyčajnaha zdareńnia raspaŭsiudžvajecca ŭ sacyjalnych sietkach i vyklikaje zachapleńnie karystalnikaŭ, bo nichto z papiarednich kiraŭnikoŭ dziaržavy nikoli nie spyniaŭsia, kab sastupić miesca zvyčajnym ludziam. FlashSiberia cytuje niekatoryja kamientary: «Niečakany krok», «Hodny palityk» i inšaje.
Novaha prezidenta vyznačaje pavaha da pravił darožnaha ruchu - ci ž da virusnaha pijaru. U pačatku kastryčnika jaho sfatahrafavali na piešachodnym pierachodzie, pry hetym Batułha i jahonyja achoŭniki čakali zialonaha sihnału śviatłafora.
Chałtmaahijna Batułha, kandydat ad parłamienckaj mienšaści Demakratyčnaj partyi. 7 lipienia jon atrymaŭ pieramohu ŭ druhim tury prezidenckich vybaraŭ u Manholii. Druhi tur pravodziŭsia ŭpieršyniu ŭ sučasnaj historyi krainy.