Ministr abarony Polščy: Na samapiscy samalota Kačynskaha vyjaŭleny momant vybuchu
Polskaja kamisija znajšła zapis momantu vybuchu ŭ zapisie bartavoha samapisca Tu-154, u jakim zahinuŭ prezident krainy Lech Kačyński, zajaviŭ ministr nacyjanalnaj abarony Polščy Antonij Macierevič, sustrakajučysia z kiraŭnikami kłubaŭ «Haziety polskaj».
«My znajšli ŭ zapisie adnaho z rehistrataraŭ momant vybuchu — jon byŭ identyfikavany. My zajmajemsia ŭ ciapierašni čas jaho analizam i vyklučeńniem usialakaj mahčymaści inšaj interpretacyi hetaha elektronnaha zapisu», — dadaŭ Macierevič.
Samalot Tu-154 prezidenta Polščy Lecha Kačyńskaha ŭ 2010 hodzie, zachodziačy na pasadku ŭ aeraporcie Smalensk-Paŭnočny va ŭmovach mocnaha tumanu, urezaŭsia ŭ drevy. Na borcie znachodzilisia 96 čałaviek: 88 pasažyraŭ i vosiem členaŭ ekipaža, jakija lacieli na žałobnyja mierapryjemstvy ŭ Katyni. Usie jany zahinuli.
