Uład Kazakievič napaŭ na kantralora ŭ škłoŭskaj kałonii z samarobnym nažom
Uładzisłaŭ Kazakievič napaŭ na kantraloraŭ u škłoŭskaj kałonii, paviedamiŭ aficyjny pradstaŭnik MUS Kanstancin Šalkievič.
Incydent adbyŭsia 12 kastryčnika ŭ papraŭčaj kałonii №17. Kala 10.40 pry vyvadzie Kazakieviča na prahułku padčas praviadzieńnia standartnaj pracedury nadhladu spracavaŭ mietaładetektar u jaho levym rukavie.
«Asudžanamu było prapanavana zdać zabaronieny pradmiet, ale jon, nie vykanaŭšy patrabavańnia vajskovaha narada, pravaj rukoj vychapiŭ z rukava samarobny nož i pasprabavaŭ napaści na supracoŭnika administracyi kałonii. Dziakujučy prafiesijnym, razumnym dziejańniam načalnika vajskovaha narada kantraloraŭ, staršaha kantralora ŭzvoda, praparščyka Alaksieja Kuzana i asabovaha składu vajskovaha narada asudžany Uładzisłaŭ Kazakievič byŭ abiazzbrojeny», — raspavioŭ Kanstancin Šalkievič.
Na miescy zdareńnia pracuje śledča-apieratyŭnaja hrupa.
***
U sakaviku 2017 hoda Minski haradzki sud pryznaŭ 18-hadovaha studenta pieršaha kursa MITSA Uładzisłava Kazakieviča vinavatym u zabojstvie supracoŭnicy HC «Novaja Jeŭropa», u zamachu na zabojstva i złosnym chulihanstvie i prysudziŭ jaho da 15 hadoŭ pazbaŭleńnia voli z adbyvańniem pakarańnia ŭ kałonii ahulnaha režymu. Napad u HC «Jeŭropa» adbyŭsia 8 kastryčnika 2016 hoda. Viarchoŭny sud 13 červienia 2017 hoda, razhledzieŭšy spravu ŭ apielacyjnym paradku, pakinuŭ prysud bieź źmienaŭ.