Za sutki sabrali čatyry tysiačy podpisaŭ za adstaŭku ministra abarony Raŭkova — sajt ź pietycyjaj bolš nie adkryvajecca
Šyroki rezanans maje śmierć sałdata Alaksandra Koržyča ŭ Piečach.
Čytajcie pra dzikunski vypadak: «Vychodź, padła». Uskryvajucca strašnyja padrabiaznaści śmierci sałdata i situacyi ŭ Piečach uvohule. Vina — na «šakałach»
Ad 11 kastryčnika ŭ sacyjalnych sietkach pačali šyrycca spasyłki na internet-pietycyju z patrabavańniem detalovaj pravierki, pryciahnieńnia vinavatych da samaj žorstkaj adkaznaści. Adnym z punktam pietycyi značyłasia taksama i adstaŭka ministra abarony Raŭkova.
Za niapoŭny dzień biełarusy pakinuli amal čatyry tysiačy elektronnych podpisaŭ. Ale ciapier (stanam na 14 hadzin) sajt zvarot.bu niedasiažny — pry sprobie zajści na jaho pišacca, što jon adklučany.
ABNOŬLENA
Jak napisaŭ u svaim fejsbuku juryst Andrej Stryžak, pryčyna błakiroŭki była ŭ skarzie Minabarony na sajt.
«Usie čatyry tysiačy podpisaŭ adrazu dasyłalisia na skryniu Ministerstva abarony, paśla čaho naš chostar atrymaŭ skarhu, što z našaha sajta viadziecca spam-ataka. Vidać, dla aŭtara skarhi ŭsio heta tolki «spam», ad jakoha možna admachnucca. Na dadzieny momant rabota sajta adnoŭlena, ale pracuje jon marudna», — kaža Stryžak.
