Pamierła 4-hadovaja dziaŭčynka — apošniaja pasažyrka mikraaŭtobusa, što trapiŭ u DTZ u Ivanaŭskim rajonie
Trahiedyja adbyłasia 15 vieraśnia ŭ 18:30 na čyhunačnym pierajeździe aŭtadarohi Brodnica — Juchnavičy ŭ Ivanaŭskim rajonie.
22-hadovy kiroŭca «Mersedesa» vyjechaŭ na čyhunačny pierajezd na zabaranialny sihnał śviatłafora i z uklučanaj hukavoj sihnalizacyjaj i sutyknuŭsia ź ciepłavozam «M 62», što ruchaŭsia u kirunku Bresta na kalejcy Žabinka — Łuniniec.
U vyniku sutyknieńnia kiroŭca i try niepaŭnaletnija pasažyry zahinuli na miescy avaryi (2-hadovy chłopčyk, 3-hadovaja dziaŭčynka, 16-hadovy chłopiec). Z traŭmami roznaj stupieni ciažkaści dastaŭleny ŭ balnicu jašče 2 niepaŭnaletnija pasažyra: 4-hadovaja dziaŭčynka i 15-hadovy chłopčyk. 10 kastryčnika pamior padletak, a 12 kastryčnika pastupiła paviedamleńnie, što a 5-j ranicy pamierła 4-hadovaja dziaŭčynka, piša DAI Bresta.
