Žurnalistka «Komsomolskoj pravdy» vybačyłasia za fejk pra śmierć Chvarastoŭskaha
Karespandent «Kamsamolskaj praŭdy» Alena Baduen zajaviła, što heta jana źjaŭlajecca aŭtaram paviedamleńnia pra śmierć śpievaka Dźmitryja Chvarastoŭskaha, piša RIAN.
«Och, mnie, viadoma, vielmi soramna pra heta kazać, ale heta ja vinavataja ŭ raspaŭsiudzie naviny pra Dźmitryja Chvarastoŭskaha i jaho nibyta sychod z žyćcia. Tolki maja vina», — napisała jana ŭ fejsbuku.
Pa jaje słovach, niejki čałaviek raźmiaściŭ infarmacyju ab śmierci Chvarastoŭskaha ŭ siecivie, jaje paćvierdzili «insajdary», paśla čaho jana apublikavała paviedamleńnie. Pa jaje słovach, jana ŭpieršyniu ŭ žyćci nie pravieryła danyja.
Boduen pryniesła prabačeńni Chvarastoŭskamu i jaho žoncy, adznačyŭšy, što joj «vielmi soramna».
Infarmacyju pra śmierć śpievaka abvierhli jaho žonka i dyrektar.
U červieni 2015 hoda ŭ Chvarastoŭskaha vyjavili rak mozhu. Z tych časoŭ jon aktyŭna zmahajecca z chvarobaj, ale praciahvaje vychodzić na scenu: u pryvatnaści, u červieni 2017 hoda jon daŭ kancert u Krasnajarsku.
