«Jandeks» pradstaviŭ Alisu — hałasavoha pamočnika na asnovie niejronnaj sietki
Pra toje, što «Jandeks» testuje Alisu, stała viadoma viasnoj hetaha hoda. Asistent, adklikajučysia na hałasavyja kamandy, moža ažyćciaŭlać pošuk u internecie, prakładać maršruty, raspaviadać prahnoz nadvorja i inšaje.
Rasijskaja transnacyjanalnaja kampanija zapeŭnivaje, što Alisa — heta pieršy ŭ śviecie hałasavy pamočnik, jaki nie abmiažoŭvajecca naboram zahadzia zadadzienych adkazaŭ.
«My chacieli, kab Alisa havaryła ź ludźmi na ich movie, a nie pryvučała da svajoj, jak heta rabili kampjutarnyja interfiejsy ŭ minułym, — raspaviadaje Dzianis Filipaŭ, kiraŭnik kirunku maŭlenčych technałohij «Jandeksa». — Dla hetaha, u pieršuju čarhu, nieabchodna, kab jana razumieła sapraŭdnuju čałaviečuju havorku, a nie tolki idealna vymaŭlenyja zapyty. Heta było adnym z pryjarytetaŭ pry raspracoŭcy Alisy».
Asistent pakul pracuje vyklučna z ruskamoŭnymi karystalnikami.
Uzajemadziejničać ź ludźmi asistentu dapamahajuć maŭlenčyja technałohii SpeechKit, dziakujučy jakim pamočnik raspaznaje skazanaje i vyjaŭlaje sens prapanovaŭ. Dakładnaść raspaznavańnia ŭ SpeechKit supastaŭnaja z uzroŭniem čałavieka.
Paviedamlajecca, što Alisa razumieje dziaciej, darosłych i navat tych, chto havoryć z akcentam. Hałasavy asistent umieje pracavać ź niekalkimi servisami «Jandeksa», u tym liku z «Pošukam», «Kartami», «Muzykaj» i «Nadvorjem». Z časam sistema navučycca źviartacca da inšych veb-słužbaŭ.
