Prezident Hruzii suprać pierachodu da parłamienckaj respubliki
Prezident Hruzii Hieorhi Marhviełašvili nakłaŭ vieta na pryniatyja parłamientam źmieny ŭ Kanstytucyju, jakija, siarod inšaha, praduhledžvajuć pierachod da parłamienckaj formy kiravańnia, paviedamlaje Radyjo Svaboda.
U tielezajavie 9 kastryčnika prezident Hruzii nastajaŭ na admienie punktu ab abrańni prezidenta śpiecyjalnaj kalehijaj zamiest usienarodnaha hałasavańnia i pierachodu na całkam «praparcyjnyja vybary» pavodle partyjnych śpisaŭ užo z 2020 hoda.
Ciapier prajekt kanstytucyjnych papravak viartajecca ŭ parłamient, dzie kiroŭnaja partyja «Hruzinskaja mara» maje kanstytucyjnuju bolšaść, što dazvalaje joj pieraadoleć vieta prezydenta. Hetyja źmieny taksama praduhledžvajuć lehalizacyju kupli ziamli inšaziemcami.
26 vieraśnia parłamient Hruzii pryniaŭ u kančatkovym čytańni źmieny ŭ Kanstytucyju. Apazicyjnyja partyi «Adziny nacyjanalny ruch» i «Jeŭrapiejskaja Hruzija — ruch za svabodu» ad hałasavańnia admovilisia. Piarečańni z hetaj nahody mieŭ i prezident Hieorhi Marhviełašvili.
Čarhovyja prezidenckija vybary ŭ Hruzii pavinny adbycca ŭ 2018 hodzie.
