Kiejt Uinślet syhraje ŭ druhoj častcy «Avatara»

Stała viadoma, što Kiejt Uinślet syhraje ŭ praciahu «Avatara». Pra heta raspavioŭ režysior kinastužki Džejms Kemieran. Darečy, jon užo pracavaŭ z aktrysaj ŭ «Tytaniku» — i, jak viadoma, prajekt akazaŭsia niejmavierna paśpiachovym. Jon taksama raspavioŭ, što ŭžo daŭno razvažaŭ nad jašče adnoj sumiesnaj pracaj z Kiejt Uinślet. I tolki ciapier jamu ŭdałosia znajści dla jaje prydatnuju rolu ŭ svajoj karcinie.

Pakul viadomaje tolki imia piersanaža Uinślet — Ronał. Bolš ničoha pra hieroja druhoj častki «Avatara» nie viadoma.

Zdymki praciahu samaj kasavaj kinastužki ŭ historyi ŭžo startavali. Druhaja častka «Avatara» źjavicca na ekranach tolki 18 kastryčnika 2020 hoda.

0

0

0

0

0

0