Mer Barsiełony: U sutyčkach z palicyjaj paciarpieła 460 čałaviek
Mer Barsiełony Ada Kałau paviedamiła, što padčas refierendumu paciarpieli kala 460 čałaviek, pišuć infarmahienctvy.
Niahledziačy na toje, što palicyja začyniła kala 207 vybarčych učastkaŭ, kanfiskujučy dakumienty i urny dla hałasavańnia, uzrovień jaŭki na refierendumie pa pytańni ab niezaležnaści ad Ispanii skłaŭ da siaredziny dnia bolš za 50%. Pra heta paviedamiŭ žurnalistam aficyjny pradstaŭnik katałonskaha ŭrada Žorzi Turul.
Prava hołasu ŭ rehijonie, nasielnictva jakoha składaje 7,5 młn, majuć bolš jak 5,3 miljona čałaviek. Katałonskija ŭłady abiacali, što dla volevyjaŭleńnia buduć adkryty 2,3 tys. učastkaŭ. Adnak centralny ŭrad Ispanii, ličyć dadzieny plebiscyt niezakonnym, i značnaja častka pamiaškańniaŭ dla hałasavańnia była začynienaja jašče z suboty.
Tym nie mienš urad Katałonii abviaściŭ ab uviadzieńni adzinaha rejestra vybarščykaŭ, kab dazvolić hramadzianam hałasavać biez pryviazki da miesca žycharstva. Ciapierašni plebiscyt, nastojvajuć u Barsiełonie, całkam lehitymny, i jaho vynik budzie mieć zakonnuju siłu.
