Na zorku Doma-2 Volhu Buzavu padčas kancerta napaŭ mužčyna
Vypadak adbyŭsia 29 vieraśnia ŭ Dubai, kudy śpiavačka i televiadoŭca pryjechała z kancertam.
Nieviadomy niečakana vybieh na scenu, kinuŭsia na Buzavu i pasprabavaŭ zabrać mikrafon. Achovie i tancoram udałosia jaho niejtralizavać. Matyvy ŭčynku zastajucca niajasnymi.
«Mnie brydka, što takija mužčyny (kali, viadoma, ich tak možna nazvać) jość. Mnie strašna, što ŭ ciapierašni čas padniać ruku na dziaŭčynu stanovicca mahčymym. Mnie drenna ad adnoj tolki dumki, što nieznajomy mnie čałaviek, pa jakoj by ni było pryčynie, dazvalaje sabie šturchać i kidacca na mianie. Dla mianie paniaćcie słova «mužčyna» jak minimum uklučaje ŭ siabie hodnaść. Nakinucca na biezabaronnuju dziaŭčynu padčas vystupu — heta nie hodna», — napisała śpiavačka ŭ svaim instahramie.
Jana adznačyła, što zmahła strymać emocyi padčas napadu i dała im volu tolki paśla kancerta, kali jaje nichto nie bačyŭ.