Kemieran pačaŭ zdymki praciahu «Avatara» ź biudžetam u miljard dalaraŭ
Režysior Džejms Kemieran prystupiŭ da zdymak praciahu svajho filma «Avatar». Pra heta paviedamlaje Deadline.
Kiniematahrafist źbirajecca paśladoŭna pracavać nad druhoj, treciaj, čaćviortaj i piataj častkami franšyzy, ahulny biudžet składzie bolš za miljard dalaraŭ. Reliz pieršaha sikvieła zapłanavany na 18 śniežnia 2020 hoda.
Adznačajecca, što prajekt stanie adnym z samych darahich u historyi kiniematohrafa, uličvajučy biudžet usich čatyroch karcin.
U krasaviku 2016-ha Kemieran abviaściŭ, što pačaŭ zdymać ŭsie čatyry častki sikvieła «Avatara» adnačasova. Čakałasia, što ahułam ich praciahłaść składzie kala vaśmi hadzin. Data vychadu filmaŭ na ekrany nieadnarazova pieranosiłasia.
«Avatar» raspaviadaje pra pryhody invalida-marpiecha na płaniecie Pandora. Reliz fantastyčnaj stužki adbyŭsia ŭ 2009 hodzie. Jana atrymała try «Oskary» — za najlepšuju apieratarskuju pracu, najlepšyja dekaracyi i najlepšyja vizualnyja efiekty. Karcina ličycca samaj kamiercyjna paśpiachovaj u historyi kiniematohrafa — jana sabrała ŭ suśvietnym prakacie amal 2,8 miljarda dalaraŭ pry biudžecie 237 miljonaŭ dalaraŭ.
