Iran i Turcyja abviaścili ab zakryćci miežaŭ ź Irakskim Kurdystanam
Tehieran zabłakavaŭ učastak miažy ź Irakskim Kurdystanam pa patrabavańni Bahdada, zajaviŭ aficyjny pradstaŭnik MZS Irana Bachram Hasiemi, paviedamlaje RBK sa spasyłkaj na iranskaje ahienctva Mehr.
Jon padkreśliŭ, što pazicyja krainy ŭ adnosinach da kurdskaha refierendumu nie źmianiłasia. Iran pavažaje suvierenitet i nacyjanalnuju cełasnaść Iraka, lubyja dziejańni pa ich padryvie ŭ Tehieranie ličać niepravamiernymi.
Prezident Turcyi Redžep Taip Erdahan u svaju čarhu zajaviŭ, što ŭzbrojenyja siły krainy pajšli na «nieabchodnyja kroki» na ŭčastku miažy ź Irakam, paviedamlaje Reuters. U pryvatnaści, budzie začynieny pamiežny KPP «Chabur», rastłumačyŭ prezident.
Jon taksama papiaredziŭ, što Ankara moža pierakryć naftapravod, pa jakim iduć pastaŭki z paŭnočnaha Iraka. Refierendum u Iraku źjaŭlajecca «sieparatysckim» i nieprymalnym, padkreśliŭ Erdahan, Ankara moža pryniać miery ŭ halinie ekanomiki, handlu i biaśpieki ŭ adkaz na hałasavańnie, dadaŭ jon.
«Paśla hetaha [pierakryćcia naftapravoda] pahladzim, pa jakich kanałach miascovyja ŭłady na poŭnačy Iraka buduć pastaŭlać naftu i kudy. Kran — u nas, jak tolki my pavierniem jaho, usio [trubapravod budzie pierakryty]», — zajaviŭ Erdahan.
U Irakskim Kurdystanie siońnia prachodzić refierendum ab niezaležnaści rehijona. Suprać praviadzieńnia hałasavańnia vystupili jak Turcyja ź Iranam, na čyich terytoryjach taksama pražyvajuć kurdy, tak i aficyjny Bahdad.
Za dzień da hetaha ŭ Iranie pačalisia vučeńni suchaputnych vojskaŭ Korpusa vartavych isłamskaj revalucyi (KVIR) z udziełam artyleryi, pavietrana-desantnych i braniatankavych padraździaleńniaŭ. Jany prachodziać blizu miažy ź Irackim Kurdystanam. Taksama ŭ hety dzień Tehieran zakryŭ pavietranuju prastoru dla samalotaŭ, jakija nakiroŭvajucca ŭ Irakski Kurdystan abo vylatajuć adtul.