Raspracoŭščyki prademanstravali pieršy ŭ śviecie razumny zvanok dla dźviarej
Kampanija Nest prezientavała svaju novuju raspracoŭku — pieršy ŭ śviecie razumny zvanok dla dźviarej. Hadžet pad nazvaj «Nest Hello» abstalavany kamieraj, mikrafonam, dynamikam, vitalnaj padśvietkaj paroha i śviatłodyjodnym indykataram stanu.
Pryłada zapisvaje HD-videa farmatu 4:3 z achopam 160 hradusaŭ. Kamiera zdolnaja ŭbačyć čałavieka, jaki padyšoŭ da dźviarej, u poŭny rost.
U Nest Hello vykarystanaja intelektualnaja technałohija Nest Cam IQ z raspaznańniem tvaru. Razumny zvanok zdolny adroźnić znajomych ad nieznajomcaŭ, pra što jon paviedamić karystalniku. Taksama hadžet abstalavany aŭtaadkazčykam, tamu, kali pazvonić, naprykład, paštaljon, jamu budzie prapanavana pakinuć pakiet kala dźviarej.
Režym Nap Time dazvolić nie tryvožyć son małych. Kali chtości patelefanuje ŭ hety čas, huku nie budzie, ale na smartfon karystalnika pryjdzie adpaviednaje apaviaščeńnie. A funkcyja Sightline dazvolić prahledzieć, chto padychodziŭ da vašych dźviarej za apošnija niekalki dzion.
Pakul cana na razumny zvanok nie abvieščanaja. U prodaž Nest Hello pavinien pastupić u pieršym kvartale nastupnaha hoda.