U Biełarusi zapuścili hulniu, jakaja navučyć ramieśnikaŭ i pradprymalnikaŭ zarablać anłajn
19 vieraśnia ŭ Biełarusi pašyryli śpis vidaŭ dziejnaści, dla jakich nie treba adkryvać IP, i ŭžo ŭ hety dzień najbujniejšaja ŭ Biełarusi placoŭka abjaŭ «Kufar» sumiesna ź Ministerstvam pa padatkach i zborach i intelektualnaj hulnioj «Mazhabojnia» zapuścili «Kufaryzacyju». Adukacyjny prajekt z dapamohaj papularnaha pab-kviza i majstar-kłasaŭ ad biełaruskich biźniesmienaŭ i «padatkavikoŭ» rastłumačyć ramieśnikam i pradprymalnikam, jak sa svaim praduktam vyjści na anłajn-rynak, a taksama prapanuje vykarystać na praktycy novyja navyki, razyhraŭšy 2 000 rubloŭ dla ŭpeŭnienaha anłajn-startu.
Pieršaja «Kufaryzacyja» projdzie ŭ Minsku 28 vieraśnia, a paśla vypravicca ŭ rehijony — ad Hrodna da Homla. Udzieł u biźnies-hulni biaspłatny, ale nieabchodna zahadzia zarehistravacca.
Tysiačy biełaruskich fryłansieraŭ mohuć uzdychnuć spakojna. 19 vieraśnia prezidenckim ukazam № 337 «Ab rehulavańni dziejnaści fizičnych asob» im dazvolili zajmacca biźniesam biez rehistracyi IP, a heta značyć, što ramieśniki, dyzajniery, cyrulniki, kulinary i jašče tysiačy hramadzian, zaniatyja bolš čym u 20 śfierach biźniesu, mohuć zajmacca svajoj spravaj pry ŭmovie vypłaty adzinaha padatku, a taksama svabodna rekłamavać pradukcyju, u tym liku i na samym pierśpiektyŭnym rynku ŭ śviecie — u internecie.
— Bolš za 5 młn biełarusaŭ karystajucca internetam — i heta vielizarny patencyjał dla handlu. Tak, «Kufar» naviedvaje kala 1,2 młn. Unikalnych karystalnikaŭ u miesiac, jakija ździajśniajuć bolš za 300 000 pakupak, i pakul nivodny handlovy moł nie moža prapanavać biźniesu takoj kolkaści klijentaŭ, — kamientuje Illa Žukaviec, načalnik upraŭleńnia kamiercyi i markietynhu placoŭki Kufar. — Mienavita dla taho, kab pakazać pradprymalnikam, jak dziakujučy novym mahčymaściam i adnačasova ŭzrosłaj kankurencyi «zastacca ŭ hulni», i jak ź minimalnym biudžetam atrymlivać zamovy anłajn, my zapuścili prajekt «Kufaryzacyja».
Asnoŭnyja pałažeńni dakumienta ŭstupajuć u siłu praź miesiac, ale ŭžo ŭviečary 28 vieraśnia ŭ prastory «Chto taki Džon Hołt?» adbudziecca pieršaja «Kufaryzacyja». Navučyć pradprymalnikaŭ i jurasob sakretam pracy ŭ siecivie i dać im pakrokavy hajd dla efiektyŭnaj pracy dapamohuć navučalnyja majstar-kłasy ad ekśpiertaŭ, siarod jakich i pradstaŭnik Ministerstva pa padatkach i zborach RB, jaki prostaj movaj rastłumačyć, jak handlavać u internecie i nie bajacca zvanka «padatkavikoŭ». Akramia hetaha, jak pierajści ad kropki na Ždanovičach da paśpiachovaha internet-prajekta biez ryzyk i strat raskaža vykładčyk škoły IPM, adnaho ź lidaraŭ biełaruskaj biźnies-adukacyi, a praviłami vyžyvańnia na anłajn-rynku padzielicca dyrektar i stvaralnik «Studyi Baravoha», veb-prajekta №1 pa prasoŭvańni sajtaŭ u Biełarusi, a taksama inšyja viadomyja biełaruskija biźniesmieny.
Akramia hetaha, biźniesmienam Minska i rehijonaŭ prapanujuć na praciahu hadziny pravieryć łohiku, erudycyju, kreatyŭnaść myśleńnia i navat viedańnie padatkovaha zakanadaŭstva Biełarusi, adkazaŭšy na 35 pytańniaŭ hulni ŭ farmacie kamandnaha pab-kviza «Mazhabojnia». Pryčym va ŭdzielnikaŭ budzie mahčymaść nie tolki atrymać novyja viedy pa elektronnaj kamiercyi, ale i vykarystać ich na praktycy z realnym markietynhavym biudžetam. Padčas kožnaha kviza, a ahułam pa Biełarusi zapłanavany 5 hulniaŭ, arhanizatary razyhrajuć 20 tysiač «kufaŭ» — unutranaj valuty najbujniejšaj u Biełarusi placoŭki abjaŭ. Hetuju sumu, roŭnuju 2 000 u pieraliku na rubli, pradprymalniki i ramieśniki zmohuć vykarystoŭvać paśla hulni dla stvareńnia svajoj pieršaj anłajn-vitryny i prasoŭvańnia pradukcyi.
