Litva abvinavaciła dva rasijskija Ił-76 u parušeńni pavietranaj prastory
Dva rasijskija vajenna-transpartnyja samaloty Ił-76 16 vieraśnia padčas rasijska-biełaruskich vučeńniaŭ «Zachad-2017» parušyli pavietranuju prastoru Litvy, paviedamlaje defence.ru sa spasyłkaj na litoŭski MZS.
TASS
U ministerstva ŭ paniadziełak byŭ vyklikany rasijski pasoł u Litvie Alaksandr Udalcoŭ, jamu ŭručanaja adpaviednaja nota.
MZS paviedamlaje, što incydent adbyŭsia pozna ŭviečary 16 vieraśnia, kali dva Ił-76, jakija lacieli z asnoŭnaj častki Rasii ŭ Kalininhradskuju vobłaść, uvajšli ŭ pavietranuju prastoru Litvy i prabyli ŭ joj kala dźviuch chvilin.
Ministerstva zajaviła rasijskamu pasłu pratest i zapatrabavała, kab adkaznyja viedamstvy Rasii jak maha chutčej dali tłumačeńni ŭ suviazi z hetym incydentam i pryniali nieabchodnyja miery da taho, kab u budučyni takija incydenty nie paŭtaralisia, adznačajuć litoŭskija dypłamaty.
