Ščotkina, Ananič i Jarmošyna źjeździli na «Słodyč»: abmiarkoŭvali, jak pravilna farmiravać navahodnija padarunkavyja nabory
Vyjaznoje pasiadžeńnie prezidyuma Biełaruskaha sajuza žančyn adbyłosia 15 vieraśnia, pieradaje karespandent ahienctva «Minsk-Naviny».
U forumie ŭziali ŭdzieł namieśnik staršyni Savieta Respubliki Nacyjanalnaha schodu Respubliki Biełaruś, staršynia HA «BSŽ» Maryjana Ščotkina, členy prezidyuma — ministr infarmacyi Biełarusi, namieśnik staršyni BSŽ Lilija Ananič, prafiesar, doktar ekanamičnych navuk Antanina Morava, staršynia Centrvybarkama Lidzija Jarmošyna, staršynia kamiteta pa pracy, zaniatasci i sacyjalnaj abaronie Minharvykankama, staršynia Minskaj haradskoj arhanizacyi BSŽ Žanna Ramanovič i inšyja lidary žanočaha abjadnańnia.
Pasiadžeńnie adkryłasia na bazie kandytarskaj fabryki «Słodyč». Padčas dyskusii pradstaŭnicy BSŽ prapanavali farmavać navahodnija padarunkavyja nabory, u jakija, akramia tradycyjnych cukierak, uvajšli b piečyva i kancylarskija prynaležnaści. A taksama ŭklučyć piečyva dla dziaciej va ŭzroście z 6-ci miesiacaŭ (jaho vypusk «Słodyč» płanuje naładzić u najbližejšy čas) u abaviazkovy pieralik prykładnych miesiačnych naboraŭ praduktaŭ charčavańnia dla dziaciej va ŭzroście da 1 hoda i ad 1 hoda da 2 hadoŭ.
