Komliku admovili ŭ zamienie miery strymańnia i pakinuli pad vartaj
15 vieraśnia sud Partyzanskaha rajona razhledzieŭ skarhu Ihara Komlika na mieru strymańnia — utrymańnie pad vartaj. U skarzie jon prasiŭ źmianić mieru strymańnia, bo ličyć što jana ŭžyta da jaho biezpadstaŭna i va ŭtrymańni jaho pad vartaj padčas śledstva niama nieabchodnaści.
Sudździa Natalla Dziadkova vyrašyła, što miera strymańnia vybrana zakonna i abhruntava, bo Ihar Komlik abvinavačvajecca ŭ ciažkim złačynstvie. Jana pakinuła rašeńnie namieśnika hienieralnaha prakurora bieź źmienaŭ, a skarhu biez zadavalnieńnia. U sud abvinavačajemaha nie dastaŭlali.
Abaronca Ihara Komlika nakiravała skarhu ŭ Minharsud na rašeńnie suda Partyzanskaha rajona, jaki pryznačyŭ jaje razhlad na 19 vieraśnia.
Ihar Komlik znachodzicca pad vartaj užo bolš za miesiac - z 2 žniŭnia.
***
2 žniŭnia supracoŭniki Departamienta finansavych rasśledavańniaŭ Kamiteta dziaržaŭnaha kantrolu Biełarusi praviali pieratrus i kanfiskacyju kampjutaraŭ i finansavych dakumientaŭ u ofisie prafsajuza REP i centralnaha ofisa BNP. Byli zatrymanyja staršynia REP Hienadź Fiadynič i buchhałtar Ihar Komlik. H. Fiadynič byŭ dapytany i adpuščany, a Ihar Komlik zastavaŭsia pad vartaj.
