U Mazyrskim rajonie z-za vietru ździejśniŭ ekstrannuju pasadku lohki samalot
Vyratavalnikam Mazyrskaha rajona 17 vieraśnia ŭ 09.46 pastupiła paviedamleńnie ab tym, što ŭ lesie la pasiołka Sasnovy, jak miarkujecca, upaŭ samalot. Kali da miesca vykliku prybyli padraździaleńni MNS, vyśvietliłasia, što samalot Ch-32 «Biekas» padčas palotu nad Bakoŭskim laśnictvam ździejśniŭ vymušanuju pasadku z-za rezkaj źmieny kirunku vietru.
«Sa słoŭ 49-hadovaha piłota, pry palocie na vyšyni 15 m ad kron dreŭ jon pryniaŭ rašeńnie pra avaryjnuju pasadku z-za ŭmoŭ nadvorja. Na borcie, akramia jaho, znachodziŭsia pasažyr. Abodva nie paciarpieli, u miedycynskaj dapamozie nie mieli patrebu, — raspaviali ŭ MNS. — Zvyšlohki samalot byŭ zaniaty pavietranymi pracami pa apyrskvańni lasoŭ».
U vyniku vymušanaj pasadki samalot atrymaŭ niaznačnyja paškodžańni fiuzielaža i kryłaŭ.
