Ukrainskaja armija ŭdaryła pa Biełharadzie, nad horadam dym
U horadzie harać niekalki mašyn. Jak miarkujecca, heta nastupstvy padzieńnia častak źbitych rakiet abo dronaŭ.
Niezadoŭha da ŭdaru ŭ Biełharadzie treci raz za noč była abvieščanaja tryvoha («rakietnaja niebiaśpieka»). Pra nastupstvy ŭdaru miascovyja ŭłady i rasijskija vajskoŭcy pakul ničoha nie paviedamlali, piša Bi-bi-si.
Rasijskija krynicy paviedamlajuć, što ŭ vyniku adbićcia rakietnaha ŭdaru ŭkrainskaj armii ŭ horadzie paranienyja niekalki čałaviek.
Telehram-kanał Baza piša, nie spasyłajučysia na jakija-niebudź krynicy, što ŭ Biełharadzie paciarpieli jak minimum šeść čałaviek, u tym liku 10-hadovaja dziaŭčynka, jakaja, znachodziačysia ŭ kvatery ŭ paŭdniovaj častcy horada, atrymała askołačnaje ranieńnie nahi.
Paciarpiełyja, pa źviestkach Baza, dastaŭleny ŭ balnicy.
Inšyja rasijskija krynicy pišuć — pakul biez spasyłak i paćvierdžańniaŭ — pra dziesiać paranienych.
Udar pa Biełharadzie byŭ naniesieny a piataj ranicy pa miascovym časie.
U horadzie zaharelisia niekalki aŭtamabilaŭ, u niekalkich damach vybitaje škło. Jak miarkujecca, heta nastupstvy padzieńnia častak źbitych rakiet i rakiet-pierachopnikaŭ.
Čytajcie taksama:
U rasijskim Biełharadzie «adbyŭsia vybuch», paciarpieli 5 čałaviek
Hubiernatar Biełharadskaj vobłaści zajaviŭ, što z pačatku vajny zahinuli 120 mirnych žycharoŭ