Jadviha Papłaŭskaja na vystavie ŭ Minsku padaryła historyku mody Vasiljevu svaju sukienku i kaścium Cichanoviča
Fota BIEŁTA.
Historyk mody Alaksandr Vasiljeŭ pradstaviŭ u Minsku vystavu adzieńnia «Modnaje stahodździe». Ekspazicyja strojaŭ kanca XIX — XX stst. adkryłasia siońnia ŭ Nacyjanalnym histaryčnym muziei.
Na dumku Alaksandra Vasiljeva, asabliva cikavyja ekspanaty: stroj Mai Plisieckaj ad Kako Šanel, manto Lili Bryk i sukienka Jevy Braun.
Na adkryćci vystavy, jak pieradaje BiełTA, kalekcyja Alaksandra Vasiljeva papoŭniłasia dvuma novymi ekspanatami: narodnaja artystka Biełarusi Jadviha Papłaŭskaja prezientavała jamu svaju sukienku 1990-ch hadoŭ i kaścium narodnaha artysta Biełarusi Alaksandra Cichanoviča 2010 hoda.
Na vystavie «Modnaje stahodździe» pradstaŭlenyja 106 kaściumaŭ i bolš za 380 aksiesuaraŭ, juvielirnyja vyraby i bižuteryja. Naviedvalniki zmohuć ubačyć adździeńnie ad Pola Puare, Maryjana Fartuni, Iva Sien-Łarana i inšych majstroŭ.
Šmat jakim uboram bolš za 100 hadoŭ. Paznajomicca z naradami z kalekcyi Alaksandra Vasiljeva naviedvalniki zmohuć da 10 studzienia 2018 hoda.
