BDU dałučyŭsia da Vialikaj chartyi jeŭrapiejskich univiersitetaŭ
Biełaruski dziaržaŭny ŭniviersitet dałučyŭsia da Vialikaj chartyi jeŭrapiejskich univiersitetaŭ, paviedamlajecca na sajcie VNU.
Dałučeńnie BDU da chartyi spryjaje realizacyi pryncypaŭ Jeŭrapiejskaj prastory vyšejšaj adukacyi, aptymizuje praces intehracyi ŭniviersiteta ŭ mižnarodnuju adukacyjnuju sistemu, adznačyli ŭ Biełdziaržuniviersitecie.
Cyrymonija padpisańnia adbyłasia ŭ čas mižnarodnaj kanfierencyi «Univiersiteckija kaštoŭnaści dla siońniašniaha dnia: centralna-jeŭrapiejskija pierśpiektyvy i prablemy» ŭ Piečskim univiersitecie ŭ Vienhryi. Usiaho chartyju na forumie padpisali 11 VNU, u tym liku Homielski dziaržaŭny ŭniviersitet imia F. Skaryny.
Vialikaja chartyja jeŭrapiejskich univiersitetaŭ pryniataja ŭ Bałońni (Italija) u 1988 hodzie ŭ aznamienavańnie 900-hodździa Bałonskaha ŭniviersiteta. Meta dakumienta — unifikacyja adukacyjnych sistem, palityki raźvićcia jeŭrapiejskaj univiersiteckaj supolnaści.