Znojdzieny zdymki dziaciej Edvarda Vajniłoviča, u honar jakich nazvany Čyrvony kaścioł u Minsku FOTAFAKT
Adskanavanyja kopii rarytetnych fotazdymkaŭ u sieciva vykłaŭ historyk i ekskursavod Pavieł Dziusiekaŭ u supołcy «Vandroŭki ŭ minułaje. Free Walking Tours» u Fejsbuku.
Fota Aleny i Symona, u honar jakich namahańniami ich baćki Edvarda Vajniłoviča byŭ pabudavany Čyrvony kaścioł u Minsku, historyk adskanavaŭ z dazvołu parafii Śviatych Symona i Aleny.
Fotazdymki dziaciej Vajniłoviča z archiva ŭ polskim Bydhaščy pryvioz probašč minskaj parafii ks. Uładzisłaŭ Zavalniuk.
Symon pamior u 12 hadovym uzroście ŭ 1897 hodzie, a Alena pamierła ŭ 1903 hodzie, nie dažyŭšy adzin dzień da svajho 19-hodździa.
«U Bydhaščy, dzie žyvuć dalokija rodzičy i svajaki Vajniłoviča, zachoŭvajecca pryśviečany miecenatu Edvardu Vajniłoviču vialiki archiŭ, jaki kaliści byŭ stvorany i pašyrajecca da siońnia naščadkami słavutaha ŭradženca Biełarusi», — dadaŭ śviatar u kamientary Catholic.by.
Bieatyfikacyjny praces Edvarda Vajniłoviča raspačaŭsia ŭ Minsku 10 krasavika 2016 hoda.