Biełaruś mohuć adchilić ad ČS pa ciažkaj atletycy
Biełaruś i jašče vosiem krain mohuć prapuścić čempijanat śvietu pa ciažkaj atletycy, paviedamlaje Inside The Games.
U hetyja vychodnyja kamisija Mižnarodnaj fiederacyi ciažkaj atletyki (IWF) razhledzić pytańnie ŭdziełu krain z šmatlikimi dopinhavymi parušeńniami ŭ čempijanacie śvietu 2017 hoda. Dakład kamisii budzie pradstaŭleny vykanaŭčaj radzie IWF ŭ kancy vieraśnia.
Krainy, jakija mieli try i bolš vypadkaŭ vykarystańnia zabaronienych rečyvaŭ spartoŭcami, mohuć być adchilenyja. Pierapravierki dopinh-probaŭ Piekina-2008 i Łondana-2012, inicyjavanaja Mižnarodny alimpijskim kamitetam (MAK), pakazała, što takich krain dzieviać.
U pieralik kamand, jakija, imavierna, buduć adchilenyja ad spabornictvaŭ, uvachodzić i biełaruskaja zbornaja, 7 členaŭ jakoj byli abvinavačanyja ŭ dopinhu.
Akramia Biełarusi, turnir mohuć prapuścić kamandy Kitaja, Kazachstana, Armienii, Azierbajdžana, Rasii, Małdovy, Ukrainy i Turcyi.
Čempijanat śvietu pa ciažkaj atletycy projdzie z 28 listapada pa 5 śniežnia ŭ amierykanskim Anachajmie.
