Ziemnavodnyja źjavilisia na niekalki dziasiatkaŭ miljonaŭ hod raniej, čym dumali navukoŭcy
Navukoŭcy ź Instytuta paleantałohii pazvanočnych i paleaantrapałohii ŭ Piekinie daśledavali pareštki vykapniovaj ryby, jakaja žyła 370-360 miljonaŭ hadoŭ tamu. Akazałasia, što niekatoryja asablivaści budovy ryby ułaścivyja naziemnym žyviołam. Daśledavańnie apublikavanaje ŭ Nature Ecology & Evolution.
Ilustracyjnaja vyjava
Ličycca, što pieršyja ziemnavodnyja źjavilisia krychu bolš za 300 miljonaŭ hadoŭ nazad, adnak vyniki daśledavańnia vykapniovaj ryby, vyjaŭlenaj u karjery Ninsia na poŭnačy Kitaja, adsoŭvajuć hetuju datu na niekalki dziesiatkaŭ miljonaŭ hod nazad. Zakamianiełaść naležyć da novaha vidu łopaściapiorych ryb (kłasa kaścianych ryb) Hongyu chowi. Pradstaŭniki hetaha vidu dasiahali kala 1,5 mietraŭ u daŭžyniu i žyli 370-360 miljonaŭ hadoŭ tamu.
Budova H. chowi nahadvaje budovu pieršych čatyrochnohich žyvioł. Naprykład, u ryby byŭ plečavy pojas, charakterny dla ziemnavodnych. Na dumku navukoŭcaŭ, niekatoryja vidy ryb bolš ciesna źviazanyja sa źjaŭleńniem čatyrochnohich žyvioł, čym ličyłasia raniej.
«H. chowi vielmi padobnyja da pieršych ziemnavodnych. Nie vyklučaju, što pieršyja čatyrochnohija žyvioły i łopaściapioryja ryby evalucyjanavali niezaležna abo paralelna», — adznačyŭ aŭtar daśledavańnia Marcin Braz.
