Mihracyjnaja słužba Ukrainy adpuściła brata Saakašvili
Brat eks-prezidenta Hruzii David Saakašvili pakinuŭ Piačerski rajadździeł Dziaržaŭnaj mihracyjnaj słužby ŭ Kijevie, kudy jaho raniej dastaviła palicyja. Pra heta paviedamiŭ paplečnik spadara Saakašvili David Sakvarelidze.
«Jon pajechaŭ dadomu, pakolki niama akta, jaki fiksuje jaho zatrymańnie. I budzie praciahvać žyć i pracavać u Ukrainie», - skazaŭ spadar Sakvarelidze žurnalistam.
Na pytańnie, ci byli ŭ Davida Saakašvili zakonnyja padstavy znachodzicca va Ukrainie, spadar Sakvarelidze adkazaŭ: «Tak. Try hady čałaviek spakojna pražyvaŭ na terytoryi Ukrainy».
Raniej u MUS Ukrainy paviedamili, što supracoŭniki Nacpalicyi Kijeva dastavili Davida Saakašvili ŭ dziaržaŭnuju mihracyjnuju słužbu, pakolki jaho vid na žycharstva byŭ anulavany.
Michaił Saakašvili nazvaŭ praceduru zatrymańnia svajho brata i dastaŭku jaho ŭ mihracyjnuju słužbu «całkam niezakonnymi».
Pavodle słoŭ pradstaŭnika MUS, vid na žycharstva Davida Saakašvili ŭ Ukrainie anulavali jašče ŭ sakaviku na padstavie taho, što raniej jaho pazbavili dazvołu na pracu va Ukrainie.
Zaraz vyrašajecca pytańnie ab «viartańni zamiežnaha hramadzianina ŭ lubuju krainu, u jakuju jon zachoča», udakładniŭ jon.
