U Minsku pastavili pomnik Pieśniaru z nadpisam pa-rusku
Pomnik narodnamu artystu SSSR, zasnavalniku ansambla «Pieśniary» Uładzimiru Mulavinu adkryli ŭ Minsku 17 žniŭnia, pišuć «Minsk-Naviny».
Pomnik pastavili na bulvary Mulavina ŭ skviery za Biełdziaržfiłarmonijaj.
Pa zadumcy skulptara Alaksandra Kastrukova, muzyka adlustravany ŭ sceničnym kaściumie z hitaraj u rukach. Znakamity piaśniar prysieŭ na prystupki i zadumienna hladzić udalačyń. Vobraz abrany rodnymi artysta.
Hetaja skulptura — svajho rodu zvarotny padarunak rasijskaha boku, jaki finansavaŭ stvareńnie i dastaŭku pomnika. Pastaŭleny jon za košt biudžetu Minska. U kastryčniku 2014 hoda pa inicyjatyvie Ministerstva kultury Respubliki Biełaruś pomnik Uładzimiru Mulavinu pastavili ŭ Jekaciarynburhu — horadzie, dzie jon naradziŭsia i dzie prajšło jaho dziacinstva.
