Łukašenka: Pamiežnikaŭ Rasija vyvieła na miažu, mytniki pačynajuć pavodzić siabie niezrazumieła jak
president.gov.by
Kiraŭnik Biełarusi vykazaŭ zaniepakojenaść u suviazi admoŭnaj dynamikaj raźvićcia adnosinaŭ z Rasijaj u ramkach Sajuznaj dziaržavy, pra heta jon zajaviŭ u intervju prahramie «Formuła ŭłady» na kanale «Rośsija 24».
«My hanarylisia tym, što ŭ nas roŭnyja pravy dla rasijanaŭ i biełarusaŭ. Siońnia ŭžo pačynajem svavolić na miažy, pamiežnikaŭ rasijanie vyvieli na miažu, mytniki pačynajuć siabie pavodzić niezrazumieła jak, błakujuć tavary. Ludzi z trecich krain tolki praź mižnarodnyja punkty propusku — heta značyć niedavier užo da nas. U hetym surjoznaja niebiaśpieka, my pačynajem adkačvacca», — skazaŭ žurnalistam Łukašenka.
Pavodle jaho słoŭ, i Minsk, i Maskva «mnohaje stracili na mnohich napramkach». «Ale samaje strašnaje, što pa niekatorych pytańniach my dapuskajem adkat», — padkreśliŭ biełaruski lidar.
«My patrebnyja i Jeŭropie, i Rasii. Voś takaja cichaja, spakojnaja, biaśpiečnaja kraina, dzie možna pravodzić luboje mierapryjemstva Jeŭropy ŭ intaresach ES i RF, im patrebna, — miarkuje Łukašenka. - Kali ja ŭ apošni čas sustrakajusia z amierykanskimi partniorami, to ja im kažu, što nia treba mianie pytacca, z kim my: z Zachadam abo z RF. Heta nie pytańnie dla nas, bo Rasija - heta rodnaje»
