Iharu Komliku vystavili abvinavačańnie
Jak stała viadoma pravaabaroncam-viasnoŭcam, 10 žniŭnia hałoŭnamu buchhałtaru prafsajuza REP Iharu Komliku vystavili abvinavačvańni pa č. 2 art. 243 Kryminalnaha kodeksu - «Uchileńnie ad vypłaty padatkaŭ u asabliva bujnym pamiery».
Svaju vinu Ihar Komlik nie pryznaje, nijakich pakazańniaŭ nie daje. Adnak mieru strymańnia pakinuli tuju ž: abvinavačany zastajecca pad vartaj.
Nahadajem, 2 žniŭnia 2017 hoda supracoŭniki Departamienta finansavych rasśledavańniaŭ Kamiteta dziaržaŭnaha kantrolu Biełarusi praviali pieratrus i kanfiskacyju kamputaraŭ i finansavych dakumientaŭ u ofisie prafsajuza REP i centralnaha ofisa BNP. Byli zatrymanyja staršynia REP Hienadź Fiadynič i buchhałtar Ihar Komlik. H. Fiadynič byŭ dapytany i adpuščany, a Ihar Komlik zastavaŭsia pad vartaj.
Pravaabarončyja arhanizacyi Biełarusi 3 žniŭnia zajavili, što ličać Ihara Komlika palitviaźniem. Pavodle pravaabaroncaŭ, raspačataja suprać prafsajuznych lidaraŭ kryminalnaja sprava palityčna matyvavanaja, źviazanaja z aktyŭnaj prafsajuznaj dziejnaściu i mirnym ažyćciaŭleńniem prava na svabodu asacyjacyjaŭ.
