Vialikabrytanija hatovaja zapłacić 40 młrd jeŭra za vychad ź ES
Brytanskija ŚMI sa spasyłkaj na krynicy va ŭradzie zajavili pra hatoŭnaść krainy zapłacić 40 młrd jeŭra ŭ košt pahašeńnia finansavych abaviazalnictvaŭ pa vychadzie ź Jeŭrasajuza.
Pa tak zvanym «rachunku za Brexit» narešcie źjaviłasia jasnaść. Brytanskija čynoŭniki zajavili, što paśla taho jak była ahučana kankretnaja ličba — 36 młrd funtaŭ sterlinhaŭ, ci kala 40 młrd jeŭra, namieciŭsia vychad z tupika, u jaki zajšoŭ pieramoŭny praces.
Razam z tym adznačajecca, što Vialikabrytanija hatovaja ŭnieści dadzienuju sumu, tolki kali ES zaličyć jaje ŭ jakaści adnoj z umoŭ budučaj damovy, jakaja ŭklučaje handlovaje pahadnieńnie.
Nahadajem, jašče ŭ mai zajaŭlałasia ab tym, što aficyjny Brusel vystaviŭ patrabavańnie ab vypłacie 100 młrd jeŭra ŭ ramkach vykanańnia raniej uziatych na siabie Brytanijaj abaviazalnictvaŭ. Kančatkovy «rachunak» pakul tak i nie byŭ vystaŭleny, adnak ekśpierty peŭnyja, što jon budzie vahacca ŭ miežach ad 60 da 100 młrd jeŭra.