MAZ vystaviŭ na aŭkcyjon niedabudavany korpus za 11 miljonaŭ rubloŭ

MAZ pradaje z aŭkcyjonu adzin ź niedabudavanych karpusoŭ — budynak administracyjna-bytavych i dapamožnych pamiaškańniaŭ na Partyzanskim praśpiekcie, 154a, piša Tut.by.

Budavać jaho pačali ŭ 2008 hodzie, ale tak i nie zaviaršyli — nie chapiła finansaŭ. Ciapier jaho vystavili na tarhi.

AAT «MAZ»

Płošča abjekta 12 555 kvadratnych mietraŭ, jon zajmaje 2,3 hiektara. Pačatkovaja cana łota 11 194 213 rubloŭ. Pakupniku treba budzie ŭnieści zadatak — 600 tysiač rubloŭ.

Budynak maje šmatfunkcyjanalnaje značeńnie, i abmiežavańniaŭ pa im niama, to bok vykarystoŭvać jaho možna pad ofisy, abjekty handlu i da t. p.

Aŭkcyjon projdzie 27 červienia ŭ Minskim haradskim centry nieruchomaści.

0

0

0

0

0

0