Žychar Słucka pradavaŭ vypisanyja jamu tabletki tramadołu
Słuckim rajonnym adździełam Śledčaha kamiteta raspačataja kryminalnaja sprava ab niezakonnym zbycie tabletak, jakija ŭtrymlivajuć u svaim składzie psichatropnyja rečyvy, paviedamlaje BIEŁTA.
Fihurantam pa kryminalnaj spravie prachodzić raniej sudzimy 38-hadovy žychar Słucka. Mužčyna stajaŭ ananimna na ŭliku ŭ lekara-narkołaha i mieŭ prava, zhodna z vypisanymi receptami, nabyvać leki, jakija ŭtrymlivajuć niebiaśpiečnyja psichatropnyja rečyvy. Jon byŭ papiaredžany ab pryciahnieńni da kryminalnaj adkaznaści pa art. 328 KK (niezakonny abarot narkatyčnych srodkaŭ, psichatropnych rečyvaŭ, ich prekursoraŭ i anałahaŭ).
Mužčyna atrymlivaŭ u aptecy ŭ Minsku apioidnyja analhietyki i pradavaŭ ich u Słucku. Padazravany byŭ zatrymany padčas zbytu 20 tabletak tramadołu.
Ciapier fihurantu vystaŭlenaje abvinavačvańnie pa č. 2 art. 328 KK (niezakonny zbyt psichatropnych rečyvaŭ). Abvinavačany zaklučany pad vartu.
