Łukašenka raźličvaje na dalejšaje pazityŭnaje raźvićcio biełaruska-sierbskich adnosin
Alaksandr Łukašenka raźličvaje na dalejšaje pazityŭnaje raźvićcio biełaruska-sierbskich adnosin. Pra heta jon zajaviŭ siońnia na sustrečy z prezidentam Sierbii Tamisłavam Nikaličam.
Kiraŭnik biełaruskaj dziaržavy adznačyŭ, što jak by ni składvalisia abstanoŭka i situacyja ŭ Sierbii i ŭ Biełarusi, narody dźviuch krain zaŭsiody ciahnulisia adzin da adnaho. I z prychodam da ŭłady Tamisłava Nikaliča biełaruska-sierbskija adnosiny ašałamlalna źmianilisia. «My sustrakalisia ŭ Piekinie z abranym prezidentam Sierbii Alaksandram Vučyčam. I ja zaŭvažyŭ, što toj padmurak, jaki my zakłali ŭ asnovu adnaŭleńnia našych družalubnych adnosin pamiž pravasłaŭnymi narodami Biełarusi i Sierbii, umacoŭvajecca. Ja baču heta pa abranym prezidencie. Jon absalutna nastrojeny hetak ža, pravodziačy hetuju palityku našaj družby», — skazaŭ Alaksandr Łukašenka.
Jon skazaŭ, što tavaraabarot pamiž Biełaruśsiu i Sierbijaj pavialičyŭsia ŭ razy za apošnija hady. «U nas niama zakrytych tem. Vy pavinny viedać, što my zaŭsiody ź luboŭju i pavahaj stavilisia da sierbaŭ i budziem prytrymlivacca takoj palityki», — zapeŭniŭ kiraŭnik Biełarusi.
Alaksandr Łukašenka taksama padkreśliŭ, što vielmi šanuje pazicyju Tamisłava Nikaliča ŭ dačynieńni da Biełarusi.
«Sutnaść hetaj pazicyi zaklučajecca ŭ tym, što Tamisłaŭ Nikalič jašče da svajho abrańnia prezidentam nie prosta pryjazdžaŭ u Biełaruś, a adkryta, sumlenna i pryncypova padtrymlivaŭ, zajmaŭ žorstkuju pazicyju pa abaronie intaresaŭ biełaruskaha naroda, — skazaŭ kiraŭnik Biełarusi. — Heta — hałoŭnaje. Bo z prezidentami my abaviazany supracoŭničać. Padabajemsia my adzin adnamu — nie padabajemsia, my pavinny ŭsprymać realii. A prosta jak čałaviek — da abrańnia — Tamisłaŭ Nikalič byŭ asablivym u dačynieńni da našaj krainy».
«Tamu ŭznaharoda siońniašniaja (Alaksandr Łukašenka ŭručyŭ Tamisłavu Nikalič orden Družby narodaŭ) absalutna zasłužanaja. Tut niama nijakich umoŭnaściaŭ. Tut niama ničoha takoha, što źviazana z pasadaj prezidenta, choć i nie biez hetaha. Bo kali ciabie abrali prezidentam, my ažyćciavili toje, što pavinny byli zrabić daŭno pry raniejšych kiraŭnikach Sierbii», - zajaviŭ biełaruski lidar.
Alaksandr Łukašenka paprasiŭ Tamisłava Nikaliča «daloka nie sychodzić» ad stasunkaŭ pamiž Biełaruśsiu i Sierbijaj, trymać ich u pole zroku, čaściej pryjazdžać u Biełaruś i padkazvać, na što treba źviarnuć uvahu. «Dumaju, što Tamisłaŭ stanie dobrym pasłom dobraj voli sierbskaha i biełaruskaha narodaŭ u imia ŭmacavańnia našaj družby. Ja na heta vielmi raźličvaju», - reziumavaŭ kiraŭnik biełaruskaj dziaržavy.