U Biełarusi 34 tysiačy damoŭ i kvater naležać zamiežnikam
Bolš za 42 tysiač kapitalnych budynkaŭ u Biełarusi naležać zamiežnikam, paviedamlaje Tut.bysa spasyłkaj na sajtDziaržaŭnaha kamiteta pa majomaści.
Usiaho budynki, raźmieščanyja na terytoryi Biełarusi, na pravie ŭłasnaści naležać hramadzianam bolš za 83 krain, a ahulnaja płošča hetych abjektaŭ nieruchomaści pieravyšaje 3 miljony 194 tysiačy kvadratnych mietraŭ. Kali vykazać zdahadku, što siaredniaja cana kvadratnaha mietra — kala 500 dalaraŭ, usia nieruchomaść zamiežnikaŭ u krainie «paciahnie» na 1,6 miljarda dalaraŭ.
Siarod usich mietraŭ bolš za ŭsio — žyłych. Heta bolš za 34 tysiačy damoŭ i kvater, ahulnaja płošča jakich amal 2,4 miljona kvadratnych mietraŭ.
Siarod uładalnikaŭ nieruchomaści ŭ Biełarusi bolš za ŭsio rasijan. Dziasiatka vyhladaje tak:
- RF 32 097 — 2 358 462 m2;
- Ukraina 3500 — 214 877 m2;
- Litva 2773 — 195 605 m2;
- Łatvija 743 — 50 239 m2;
- Kazachstan 742 — 68 127 m2;
- Małdova 357 — 23 286 m2;
- Uźbiekistan 314 — 18 602 m2;
- Azierbajdžan 308 — 34 874 m2;
- Izrail 301 — 34 925 m2;
- Hruzija 267 — 16 353 m2.
