Miedrabotnik ź Minskaj vobłaści abvinavačvajecca ŭ piedafilii
Upraŭleńniem Śledčaha kamiteta pa Minskaj vobłaści raspačata kryminalnaja sprava ŭ dačynieńni da miedycynskaha rabotnika adnoj z ustanoŭ achovy zdaroŭja Minskaj vobłaści. Padstavaj pasłužyli materyjały pravierki, praviedzienaj supracoŭnikami UUS Minabłvykankama.
Pa dadzienych śledstva mužčyna, znachodziačysia pa miescy pracy, ździajśniaŭ hvałtoŭnyja dziejańni seksualnaha charaktaru ŭ dačynieńni da zaviedama małaletnich i niepaŭnaletnich.
U ramkach papiaredniaha śledstva pravodzicca kompleks śledčych dziejańniaŭ i apieratyŭna-vyšukovych mierapryjemstvaŭ, nakiravanych na vykryvańnie złačynnaj dziejnaści. Pryznačany šerah sudovych ekśpiertyz.
Dziejańni mužčyny kvalifikavanyja śledstvam pa č.2,3 art.167 (hvałtoŭnyja dziejańni sieksualnaha charaktaru, učynienyja ŭ dačynieńni da zaviedama niepaŭnaletnich i małaletnich) Kryminalnaha kodeksa Respubliki Biełaruś. Jamu pradjaŭlenaje abvinavačvańnie i prymieniena miera strymańnia ŭ vyhladzie zaklučeńnia pad vartu. U dačynieńni da abvinavačanaha pryznačanaja stacyjanarnaja kompleksnaja psichołaha-psichijatryčnaja ekśpiertyza.
Dzieciam, pryznanym paciarpiełymi pa kryminalnaj spravie, akazvajecca miedyka-sacyjalnaja dapamoha. Śledčyja dziejańni ź imi pravodziacca z udziełam śpiecyjalistaŭ i prymianieńniem śpiecyjalnych mietodyk pracy, jakija zabiaśpiečvajuć abaronu ich pravoŭ i intaresaŭ