U Rasii prapanavali zabaranić rekłamu ź simvolikaj 9 maja
Śpikier vierchniaj pałaty rasijskaha parłamienta Valancina Maćvijenka prapanavała zakanadaŭča zabaranić vykarystańnie simvoliki, źviazanaj z udziełam SSSR u Druhoj suśvietnaj vajnie, u kamiercyjnych metach, paviedamlaje VVS.
Takuju zajavu jana zrabiła ŭ suviazi z tym, što ŭ Rasii napiaredadni Dnia pieramohi 9 maja štohod pravodziacca markietynhavyja kampanii z vykarystańniem savieckaj vajennaj simvoliki abo jaje imitacyj — hałoŭnym čynam vajennaj formy časoŭ Druhoj suśvietnaj i prydumanaj u 2005 hodzie hieorhijeŭskaj stužki.
Simvały «nie zaŭsiody vykarystoŭvajucca darečy i ŭ rekłamnym kantekście časta vyklikajuć iraničnuju reakcyju ŭ sacsietkach, stanoviačysia miemami». Śpikier savieta fiederacyi ličyć, što heta pryvodzić da «devalvacyi simvałaŭ» pieramohi, a miery pa baraćbie z takimi źjavami niedastatkova efiektyŭnyja.
Sioleta šyroki rezanans vyklikaŭ siezonny pradukt kampanii «Kroška-kartoška» pad nazvaj «Kłubieniek pobiedy» — načynienaja tušonkaj bulba, jakaja rekłamavałasia na fonie simvałaŭ vajny. Taksama pa siecivie razyšlisia fota tematyčnych instalacyj z butelek ałkaholu ŭ supiermarkietach, anonsy kłubnych viečarynak z matyvami Druhoj suśvietnaj i inšyja padobnyja materyjały.