U Breście student skraŭ u baćki $7,5 tysiačy i prajhraŭ ich
U Breście 20-hadovy chłopiec skraŭ u baćki bujnuju sumu valuty i prajhraŭ hrošy ŭ ihralnych ustanovach.
U milicyju 61-hadovy žychar abłasnoha centra źviarnuŭsia 10 maja kala dźviuch hadzin nočy. Mužčyna paviedamiŭ pravaachoŭnikam, što z 8 pa 10 maja nieviadomyja ź jaho doma vykrali $7,5 tys. Supracoŭniki adździeła kryminalnaha vyšuku z vykarystańniem palihrafa vyśvietlili, što kradziež ździejśniŭ syn paciarpiełaha, jaki vučycca ŭ adnoj z VNU Bresta. Taksama ŭ jaho była kanfiskavana častka vykradzienych hrošaj ($ 4,4 tys.). Jak vyśvietliłasia, astatniuju sumu małady čałaviek pakinuŭ u ihralnych ustanovach horada.
Śledčy kamitet pačaŭ kryminalnuju spravu pa č.3 art.205 (kradziež) KK RB. Sankcyi hetaha artykuła praduhledžvajuć da 7 hadoŭ pazbaŭleńnia voli.
